Ekainaren 1etik daude Adunako Unipapeleko langileak greban. Orduan, Aurora Berasategik, ELAko ordezkariak, eta LABeko Pello De la Cruzek adierazi zuten, "zentzugabekeria" zen lanean jarraitzea. Asteartera bitarte gutxienez greban jarraituko dute langileek. Izan ere, datorren astearterako deitu du enpresa jabeak hurrengo bilera. Hala ere, azken bilera Madrilen izan zutenez, Unipapeleko hiru lantegietako ordezkariek tarteko toki batean egitea eskatu dute; «bestela ez gara joango».
Gaur euren aldarria kalera atera dute hainbat eragileren babesarekin batera, eta "Unipapel ez itxi!" izan da behin eta berriz errepikatu duten oihua.
Hamazazpi langile bota eta gainerakoak aldi baterako erregulazioan utziko dituela iragarri zuen maiatzean Springwaterrek.
