Aimar Irigoienekin batera, Ostolaza, Urrutia, Ugartemendia, Kortaberri, Galarraga, Izeta IV.a, Telleria, Izeta III.a eta Eizmendi aritu dira. Bost harri altxa behar izan dituzte, txikiena, baina zailtasun handikoa, 139 kiloko pisuarekin. Handienak berriz, 175 kilo.
Amaiera-arte lehia ikaragarria izan da Jokin Eizmendi eta Aimar Irigoienen artean. Aimarrek bigarren egin ditu bere lanak eta marka ederra jarri du 2:25-eko denborarekin. Jokin Eizmendi berriz, hamargarren burutu ditu bere lanak eta segundo bakar batengatik geratu da bigarren. Arratsaldeko albiste txarra, Josetxo Urrutiak eman du 139 kiloko harriarekin lanean ari zenean, izterrean zaintiratua sentitu eta utzi egin behar izan du.
Bestalde, Gorostidi Harriaren barruan erronka berezi bat izaten da, orain arte inork egin ez duena: esku bakarrarekin 185 kiloko zilindro zaharra jasotzea. Gorostidik 77 kilo zituela lortu zuen marka izugarri hori.
SAILKAPENA
1 AIMAR IRIGOIEN 2, 25MIN
2 JOKIN EIZMENDI 2,26 MIN
3 JOSEBA OSTOLAZA 3,59MIN
4 AIMAR GALARRAGA 4,44MIN
5 IBAN UGARTEMENDIA 4,52 MIN
6 IZETA III 4,59 MIN
7 KORTABERRI 6,01 MIN
8 URTZI TELLERIA 6,03 MIN
9 IZETA IV 7,09MIN
10 JOSETXO URRUTIA ---