Urtero kuadrilla batek izaten du bazkaria prestatzeko ardura eta aurten arto bixarrakekoei egokitu zaie. Goizeko bederatzietan hasi dira menua prestatzen: patea, entsalada, indioilo gisatua eta postrerako, gozoa.
80 kilo indioilo, 25 kilo patata, bospasei litro olio, berdura mordoa eta aitortu nahi izan ez duten osagai sekreturen bat ere jarri diote gisatuari.
"Guk geronek egitea da kontua, herrian bertan, beste inorri eskatzen ibili gabe. Giro onean, elkarri lagunduz, bazkari polita osatzen dugu urtero", aipatu du arto bixarrak kuadrillako kide batek.
Festa nahi adina luzateko aukera izango dute gaur Adunan, Andra Mari festen azken egunean.
