2011ko udal hauteskundeetan PP soilik aurkeztu zen, baina ez zuen %5a lortu. Ondorioz, aurreko legealdiko udal taldeak funtziotan jarraitu zuen. Gerora, zinegotzi zen Josu Amilibiak hartu zuen alkatetza. Emaitzak «onak» zirela adierazi zuen atzo Amilibiak. Herritarrek osatutako zerrenda bakarra izan arren, bozken «portzentajea handia» lortu zutela eta «pozik» zegoen emaitzarekin.
Gauzak honela, datozen lau urteetan ere «lanean» jarraituko dutela adierazi zuen. Aurreko bideari jarraituz, «parte hartzea sustatu nahi duen udal moduan sakontzen» jarraituko dutela adierazi zuen.