Korrika Eguna, euskararen aldeko martxari ongietorria emateko

Jone Amonarriz 2015ko mar. 2a, 11:02

Korrika iritsi aurretik eskualdeko hainbat herritan ari dira ekitaldiak antolatzen. Atzo bertan, Adunan, Korrika Eguna izan zuten. Eguna Gu Euskahaldunak Gara dokumentalaren emanaldiarekin hasi zuten, eta pintxo lehiaketa ere izan zuten. Eguna bazkari eder batekin amaitu zuten.

Bihar Tolosan, Inazio Agirre zenaren inguruko mahai ingurua egingo dute Tolosako Korrika Batzordeak antolatuta. 19:30ean izango da, kultur etxean, eta bertan Agirreren lanaren inguruan ariko dira Joxe Manuel Odriozola, Antton Izagirre eta Koldo Maiz. Izan ere, Agirre euskararen sustatzailea izan zen eta euskalgintzaren alde lanean aritu zen. Laskorain ikastolako sorreran aritu zen eta Tolosako Udalean zinegotzi izan zen 80ko hamarkadan. 2003. urterarte Donostiako Udalako Euskara Patronatuko zuzendaria izan zen.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!