Bihar Tolosan, Inazio Agirre zenaren inguruko mahai ingurua egingo dute Tolosako Korrika Batzordeak antolatuta. 19:30ean izango da, kultur etxean, eta bertan Agirreren lanaren inguruan ariko dira Joxe Manuel Odriozola, Antton Izagirre eta Koldo Maiz. Izan ere, Agirre euskararen sustatzailea izan zen eta euskalgintzaren alde lanean aritu zen. Laskorain ikastolako sorreran aritu zen eta Tolosako Udalean zinegotzi izan zen 80ko hamarkadan. 2003. urterarte Donostiako Udalako Euskara Patronatuko zuzendaria izan zen.