Uparan industriagunean aparkaturik zegoen kamioi batean lapurtzen ari zen unean harrapatu zuen Ertzaintzak atxilotutakoa. 50 urteko gizonezko bat da.
Gertakaria gaueko hamabiak aldera izan da. Ertzaintzaren presentzia nabaritzean, atxilotuak korrika alde egin eta gorde egin da. Ondoren, handik gertu aparkaturik zegoen auto batean sartu eta alde egiten saiatu da. Poliziek atzetik jarraitu diote, eta Villabonako kamioien aparkalekuaren inguruan atxilotu dute.
Atxilotuak lapurretan ari zela onartu badu ere, beste pertsona baten laguntzaz ari zela azaldu die ertzainei. Hau, ordea, ez dute atxilotzea lortu.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!