Adveok, Unipapeleko jabeak, Adunako lantegiko edukia, hau da, makinaria eta lanpostuak, saldu dizkio Suitzako Springwaterri.
Unipapeleko Peio De la Cruz Alkorta langileen ordezkariak Tolosaldeko Atariari azaldu dionez, langileek ez dute beraiekin zer gertatuko den jakingo martxoaren 31 arte. Soldatetan murrizketa izan dute jada, eta behar bada, salmenta hau bideratu ahal izateko egindako murrizketak izan direla ere esan du langileen ordezkariak.
Suitzako Springwater enpresak 16 milioi eurorengatik erosi dio Adveori, Unipapeleko jabeari, Adunako lantegiko edukia, hau da, makinaria eta lanpostuak. Enpresako egitura Adveokoa da oraindik.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!