Ohi baino txikiagoa izan da Abaltzisketako sua ere. Hala ere, urtero bezala, herritar ugari elkartu dira herriko plazan udarari ongietorria emateko. Apaizak gunea bedeinkatu ostean piztu dute sua, eta horrekin batera, herriko dantzariak irten dira plazara. Suaren inguruan aritu dira dantzan; tartean, soka dantza egin dute herritarrekin.
Bihar agurtuko dituzte San Joan jaiak Abaltzisketan. Hona hemen biharko egitaraua:
- 11:00. Meza nagusia.
- Ondoren. Jubilatuen hamaiketakoa Herriko Txokoan.
- Bitartean. Triki-poteoa herriko gazteen eskutik.
- 12:30. XIII. Aitor Toka txapelketa.
- Bitartean. Txakolin dastaketa, pikatzeko pintxoekin.
- 18:30. Mikel Urdangarin. 8 euro.
- Bukatzeko. Herri afaria.
