Maiatzaren 1ean Aralarko larreak irekitzeko festa egingo dute Abaltzisketako Larraitz auzoan. Enirio Aralar mankomunitateak antolatuta, goizetik hasi eta hainbat motatako jarduerak egingo dituzte, besteak beste, artisauen azoka, Abarlotz Olanoren kantaldia, larre irekiera, herri kirolak eta bertso-saioa.
Artisauen azokan mota askotako produktuak eskainiko dituzte, horien artean, ardi eta ahuntz gaztak, taloak, orein produktuak, baserriko ogia eta sagardoa. Eta, horrez gain, abere erakusketa eta eskulanei buruzko saioak ere izango dira, besteak beste, artile, saski eta harri lantzea.
LARRE IREKIERA LARRAITZEN
- 10:00. Artisau eta salmenta postuen irekitzea.
- 11:00. Abarlotz Olanoren kantaldia, festa gunean.
- 12:00. Larre irekiera: suziria jaurtitzea eta azienda mendira eramatea.
- 12:30. Herri kirolak eta bertsolariak.
- Aizkoran: Jokin Urretabizkaia 'Basozabal' eta Joxean Etxeberria.
- Harria jasotzen: Ainitze Zumeta.
- Bertsolariak: Maialen Akizu eta Bixente Gorostidi.