15:30ean gertatu da ezbeharra. Pertsona batek SOS Deiak 112 Larrialdi Zerbitzura deitu du, Abaltzisketan, Txindoki mendiaren inguruan, istripua izan duen emakume baten berri emateko. Mendizaleak erorikoa izan du, eskumuturra hautsita zeukan eta zorabiatuta zegoen.
Ezbeharraren lekura iristeko zailtasunak ikusita, Larrialdietako Zerbitzuen Mendiko Taldea, Ertzaintzaren Zaintza eta Erreskate Unitateko helikoptero bat eta Oriako ertzain-etxeko unitateak mobilizatu dituzte.
Mobilizatutako larrialdietako baliabideek, istripua izan duen emakumearengana iristean, atzeman dute bera laguntzeko asmoz geratu den gizonezkoak, bihotzeko aurrekariak zituenak, nekea zuela, eta, ondorioz, emakumea baino lehenago eraman behar zutela. Beraz, lehenik, gizona Usabal futbol zelaira eraman dute helikopteroz, eta emakumearen bila itzuli dira, operazio bera egiteko.
Futbol zelaian osasun-baliabideen laguntza jaso ondoren, biktimak Asuncion Klinikara eraman dituzte.