Meza, hamaiketakoa, triki-poteoa, toka txapelketa eta txakolin dastaketa zituen Abaltzisketak prestaturik festen egun nagusirako.
San Joan suak utzitako biharamunari kolorea eman nahirik Jon Plazaola izan da protagonista Txindokiko magalean. Urretxuarrak ordubeteko saioan euskaldun izaeraz, hizkuntzez edota aitatasunaz, besteak beste, aritu da etenik gabe. Herritarrek txalo zaparrada batez eskertu diote barre erakustaldia Plazaolari.
Abaltzisketarrek azken etxafueroa herri afarian botako badute ere, oraindik orain, festarako azken apurrak utzi dituzte San Pedro egunerako. Orduan, festa Larraitz muinora lekualdatuko da.
EKAINAK 29, SAN PEDRO EGUNA. LARRAITZ
- 12:30. Meza nagusia.
- Ondoren. Hamaiketakoa eta trikitilariak.
- Arratsaldean. Berriro trikitixa iluntzera arte.