Erlojuaren kontra, Txindokiko Kilometro Bertikala jokatu dute gaur goizean eta azkarrenak Iñigo Alzola (00:37:14) eta Naiara Irigoyen (00:44:32) izan dira.
Emakumezko seniorretan bigarren eta hirugarren iritsi dira, hurrenez hurren, Ainhoa Sanz urretxuarra (00:44:55) eta Maria Zorroza gernikarra (00:47:38). Eskualdeko azkarrena, berriz, Leire Elola Tolosarra izan da (00:49:26) eta bederatzigarren postuan iritsi da.
Gizonezko seniorretan, berriz, Alzolaren atzetik iritsi da Oier Zubeldia amezketarra (00:37:39) eta podiuma osatu du Aritz Unamuno bergararrak (00:37:46). Aurreko edizioan 26. postua lortu zuen Zubeldiak; aurten, ia minutu bat jaitsi du marka –iaz: 00:38:35–.
Bestelako sailkapenak
Gizonezko juniorretan Ibai Angulo urrestillarra izan da azkarrena (00:38:42) eta bigarren eta hirugarren postuan iritsi dira, hurrenez hurren, Ibon Badiola ondarroarra (00:44:33) eta Elur Zaldua usurbildarra (00:45:52). Emakumezkoetan, berriz, Jone Oar-Arteta gernikarra (00:56:03) iritsi da lehena, eta Estrella Ortiz de Elgea gasteiztarra (01:39:16), bigarrena.
Gizonezko jubenil mailan, Hugo Robles hueskatarra (00:47:37) izan da azkarrena, Borja Urtega bizkaitarra (00:47:55) bigarren, eta Aner Gezalaga azkoitiarra (00:51:29) hirugarren. Emakumezkoetan, berriz, Naroa Lopez bizkaitarra izan da azkarrena (01:10:35) eta jubenil mailako emakumezko parte hartzaile bakarra.
Unax Sologaistoa oñatiarra izan da lasterketako kadete mailako lehiakide bakarra, eta 00:55:25eko denboran iritsi da helmugara. Bestalde, Imanol Yugueros abaltzisketarrak irabazi du lehen herriko mutilaren saria (00:49:42).