Makilen erritmora, herriari buelta

Tolosaldeko Ataria 2023ko ots. 19a, 13:22

Zortzi txantxo eta konpainia herrian zehar ibilbidea osatzera atera dira goizean goiz; eguraldia lagun, umore onez alaitu dituzte etxe atariak. 

Aurten ere goiztiar ibili dira txantxoak, baita trikitilari, mozorro eta saskia pasatzen duena ere. Herriko etxe eta baserriak pasa dituzte, banan bana, atari bakoitzean dantza eginez. Esku banatan makilak hartuta, kalejiran elkar jotzen dituzte, eta baita dantza egiterakoan ere.

Orendain aldeko baserrietatik hasi dira eta herrira gerturatu dira goiz erdian. Mezatik atera direnei txantxo dantza eskaini die. Handik, Gaintza aldera kokatuta dauden baserrietara jo dute, gero Larraitz aldera joateko. Han ere, ermitatik atera berri zirenei eskaini die dantza eta ibilbidea amaitzeko azken baserrietatik barrena pasa dira.

Erlazionatuak

Umore ona nagusi

Tolosaldeko Ataria 2023 ots 19 Abaltzisketa

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!