Eguraldiak lagundu ez duenez, frontoian egin behar izan dituzte jolasak abaltzisketarrek. Hala ere, euriak ez du festarik zapuztu, eta gurasoen laguntzarekin, jolas ezberdinak egiteko aukera izan dute. Batzuk aurpegia margotuta, besteak pintzelekin arropa zikinduta, eta denak pozik.
Festan jarraitzeko asmoz geratu dira gainera. Arratsaldean, XVIII. Mus Txapelketa egingo dute eta iluntzean sagardo dastaketaz gozatzeko aukera izango dute, eta nahi duenak bere afaria eraman beharko du etxetik. Eta eguna ez da horretan amaituko, jaia girotzeko Iratzar taldearen erromeria izango dute.
Egitaraua
Ekainak 26, igandea
- 12:00. Herriko gazteen pilota partidak.
- 18:00. XXI. Zaldi Lasterketa Amezketatik Abaltzisketara.
- Ondoren, Aire Ahizpen kontzertua, elizan.
- 21:00. Herri afaria, afaria norberak eramanda.
Uztailak 3, igandea
San Pedro eguneko ospakizuna Larraitzen
- 12:30. Meza nagusia.
- Ondoren, hamaiketakoa eta trikitilariak, arratsaldean berriro trikitixa iluntzera arte.
