Abaltzisketako jaiak 2019

Hamaiketakoa, San Joan eguna ospatzeko

Abaltzisketako San Joan jaietan jubilatuak izan dira gaur goizean, protagonistak. Meza eta gero hamaiketakoa egin dute.

Jubilatuek hamaiketakoa egiten zuten bitartean, gazteek triki-poteoa egin dute. Eguna bukatu baino lehen, badira ekitaldi gehiago aukeran. 13:00etan Aitor Toka Txapelketa egingo dute herritarrek, eta 19:00etan patata tortilla lehiaketa egingo dute. Bukatzeko Herri afaria izango dute.

Abaltzisketako sanjoanak gaur bukatuko dira, baina San Pedro eguneko ospakizuna ere izango dute, izan ere, ekainaren 30ean Larraitzen ospatuko dute eguna. Meza egingo dute lehenik eta ondoren, hamaiketakoa izango dute trikitilariek lagunduta, eta arratsaldean trikiti doinuak izango dituzte.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!