Abaltzisketan ohitura handia du Txerri Festak, eta gaur ere herritar ugari elkartu dira udaletxearen arkupean. Larrunarri elkartean eta Ermentañe jatetxean prestatutako jakiak dastatu dituzte. Julio Soto eta Beñat Iguaran bertsolariek, eta herriko trikitilariek girotu dute festa.
Aurtengoan, berezitasuna argazki lehiaketa izan da. Lehenengo aldiz antolatu dute, eta guztira 20 parte hartzaile, 38 argazkirekin, izan dira. Argazkiak erakusgai jarri dituzte arkupean bertan. Bertsolariek esan dituzte saridunak bertsotan. Irabazlea Iraitz Zubeldia izan da, eta 70 euro jaso ditu, eta bigarrena Jon Esnaola izan da, eta 30 euro jaso ditu.