Abaltzisketan San Joan jaietako bigarren asteburua dute honakoa; goizean, haur jolasak egin dituzte, pilotalekuaren gerizpean.
Lokotx biltzen, erreleboka nahiz harri, orri, artazi baliatuz aritu dira, goizean, Abaltzisketako haur eta gaztetxoak. Pasatu ziren sanjoanetako egun nabarmenenak, baina oraindik ere badute zer ospatua, Txindokiren magalean.
Adin guztietako neska-mutilek bat egin dute pilotalekuan, eta ederki etorri zaie eraikinaren itzala eta freskotasuna, begiraleek proposatutakoak itzalean egiteko. Argi dago: festarako, nahikoa dira irudimena eta jolasa.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
