Artzain bat erreskatatu dute, Txindokin, zalditik erori eta gero

Artzain bat erreskatatu dute, Txindokin, zalditik erori eta gero

Txindokiko magalean gertatu da istripua, 14:15ean. Zaldiz zebilen 37 urteko artzain bat erori eta zauritu egin da. Berarekin ez zegoen lagun batek eman dio abisua SOS Deiak-i.

Goierriko Suhiltaileak eta Ertzaintzaren erreskate taldea mobilizatu dituzte berehala. Zaurituaren kokapena topatu ostean –Txindoki magaleko iturriaren inguruan–, larrialdi zerbitzuek artatu, zauritua egonkortu eta Zumarragako ospitalera eraman dute helikopteroz. Segurtasun Sailak emandako lehen datuen arabera 37 urteko gizonezkoa ez dago larri.