Fraisoro eskolak produktu fitosanitarioen aplikatzailearen oinarrizko txartela ateratzeko ikastaroak antolatzen ditu eta horietako bat Abaltzisketan egingo du. Nekazaritza eta baratzetan erabiltzen diren produktuak dira fitosanitarioak. Hain justu, nekazaritza txartela dutenei edo produktu fitosanitarioekin lan egiten dutenei zuzenduta dago ikastaroa.
Iraupena 25 ordukoa izango da, eta ziurrenik gaztelaniaz eskainiko da. Oinarrizko txartela lortzea eta produktu fitosanitarioek daukaten arriskuez konturatzea da ikastaroaren helburua. Ikastaroa gainditzeko bi baldintza daudela zehaztu dute antolatzaileek: %80ko asistentzia betetzea eta azterketa gainditzea.
Parte hartzaileek bi argazki eta NANaren fotokopia eraman behar dituzte izena ematerakoan. Matrikula 36 eurokoa da eta interesatuek otsailaren 28rako eman behar dute izena Abaltzisketako udaletxean.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!