Ohitura zaharrek badute lekurik oraindik Abaltzisketan. Txantxoz jantzi, eta etxez etxe ibili dira makilak astintzen.
Eguraldi eskasa ez da oztopo izan Abaltzisketan, txantxoen jantzi koloretsuek ukitu berezia eman baitiote herriari. Goizeko zazpietan udaletxean elkartu dira dantzari eta musikariak; dantzarako arropa jantzi, eta baserrietatik barrena abiatu dira bina makila sorbalden kontra jarrita. Trikiti hotsek alaitu dituzte herri inguruak, eta indarra hartzeko hamaiketakoa egin ostean herriguneko etxeetan dantza egin dute.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?