17:00ak aldera izan da gertakaria, orduan jaso baitute deia, larrialdi zerbitzuek. Emakume bati eraso egin dio Txindokiren magalean zebilen behi batek, eta aurpegian kolpe bat eman dio, Segurtasun Sailak azaldu duenez. Kolpearen ondorioz, emakumea zorabiatu egin da, eta ezin izan du bere kabuz lekutik mugitu. Horrela, beraz, Ertzaintzaren helikoptero bat bertaratu da Txindoki ingurura, emakumea Donostia Ospitalera eramateko.