Erreskatea atzo eguerdian izan zen. Ertzaintzak azaldu duenez, nazionalitate frantsesa duen eta 72 urte dituen emakumea erreskatatu zuten, Txindoki mendia igotzen ari zela mina hartu eta gero. Dirudienez, orkatila hautsi zuen erorketa batengatik.
Emakumearen taldeko kide batek SOS Deiara deitu zuen eta mina hartutakoak ezin zuela oinez jarraitu adierazi zien. Ertzaintzaren helikopteroa joan zen lekura eta zauritua jaso ondoren, Donostiako Suhiltzaileen heliportura eraman zuen, eta handik anbulantzia batean Donostiako Ospitalera.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?