Giro ederrean ospatu da hemeretzigarren urtez larreen irekiera Larraitzen. Jende asko gerturatu da bertara eta heldu nahiz gaztetxoek, gozatzeko aukera izan dute.
1998an hasi ziren maiatzaren 1ean festa antolatzen Larraitzen. Arrakasta handia lortu du urteen poderioz eta jende ugari joan da bertara. Postuak 10:00etan ireki dira baina nolabait egunari esanahia ematen dion ekitaldia 12:00etan izan da, suziriarekin batera, hainbat abere abiatu baitira Aralarko larreetara. Ekitaldiaren ondoren hainbat ikuskizun eta emanaldi izan dira eszenatokiaren inguruan: musikariak, aizkolariak eta bertsoak esaterako.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!