1998an hasi ziren maiatzaren 1ean festa antolatzen Larraitzen. Arrakasta handia lortu du urteen poderioz eta jende ugari joan da bertara. Postuak 10:00etan ireki dira baina nolabait egunari esanahia ematen dion ekitaldia 12:00etan izan da, suziriarekin batera, hainbat abere abiatu baitira Aralarko larreetara. Ekitaldiaren ondoren hainbat ikuskizun eta emanaldi izan dira eszenatokiaren inguruan: musikariak, aizkolariak eta bertsoak esaterako.