Atzo goizean, Jon Zubizarreta botoa ematerako orduan herritarren parte hartzeaz kexu bazen ere, «gustatuko litzaigukena baino baxuagoa da partaidetza», herritarrek babesa eman diote. 140 boto eskuratu ditu Zubizarretak Abaltzisketako alkatetza berrestu ahal izateko, «aparteko sobresaltorik gabe». 12 boto zuri eta PPren boto bat ere izan ziren atzokoan. Iaz antzeko boto kopurua eskuratu zuen (152 boto) Herritarrak zerrendak.
Jon Zubizarretak hirugarren legealdiari ekingo dio, herriaren alde lan eginez, «oso gustura». Zubizarretak gaineratu nahi izan zuen «duela lau urteko emaitzak hobetzea ezinezkoa» dela.
Foru Hauteskundeetarako, berriz, 79 boto EH Bildurentzat izan dira; 62 EAJk lortu ditu; Podemosek, zazpi; Irabazik eta PSE-EEk bana; eta hiru boto txuri izan dira.