Bezero eta herritarrengandik jasotako berotasuna eskertu du Garmendiak. Bi ekitaldi Garmendiak berak prestatu zituen. Horietako bat bezero guztiei eskertzeko izan zen. «Ezustekoa izan zen etorritako jende guztia, tartean Markos Landa aho-soinu jolea». Beste ekitaldia eskolako haur, guraso eta irakasleei egin zien. Hirugarrena, herritarrek Garmendiari berari eskainitakoa izan zen.
Ekitaldi guztiekin, talde bakoitzarekin behar bezala agurtzeko aukera izan du. Ehiza garaia izanik, Garmendia horrela agurtu da: «Usoen gisa, pake-pakean utziko dut ostatua igandean».
