Koronabirusa

Asuncionen ospitaleratutakoen laguntzaileek txertaketa-ziurtagiria aurkeztu beharko dute

Tolosaldeko Ataria 2021ko abe. 13a, 14:00

Asuncion ospitaleko arduradunek jakinarazi dute ostegunetik aurrera aurkeztu beharko dela txertaketa ziurtagiria. Kanpo kontsultetara joaten direnak laguntzailerik gabe joan beharko dira.

Gipuzkoako intzidentzia tasa ikusita hartu dute erabakia Asuncion ospitaleko arduradunek. Esan dute  segurtasun protokoloak indartu behar izan dituztela eta hori dela eta, ospitaleratutako pazienteei lagundu behar dieten pertsona guztiek txertaketa-ziurtagiri ofiziala aurkeztu beharko dute, ostegunetik aurrera. Era berean, ospitaleratzera doazen pertsona guztiei PCR bat egingo diete. "Ez da PCR probarik edo antigeno negatiborik onartuko, eta laguntzaileek ziurtagiria aurkeztu beharko dute ospitaleko sarreran".

Gainera, zentroak gogorarazi duenez, kanpoko kontsultetara joaten diren pertsonek bakarrik joan beharko dute, ospitaleko bulegoetan eta zentro anbulatorioetan dabiltzan pertsonen kopurua ahalik eta gehien mugatzeko. Mendeko pertsonak eta adingabeak izango dira laguntzaileekin joan ahalko diren bakarrak. Gainera, derrigorrezkoa da maskara homologatua erabiltzea (kirurgikoa edo FP2a) uneoro, ospitale barruan dagoen bitartean.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!