Gurutze Etxezabal Iturrioz EH Bilduko Tolosaldeko arduradunak esan du Gipuzkoako guztiko 100 bat hautetsi, militante eta zerrendaburu bildu direla gaur Tolosan. "Bertan Gipuzkoak gaur egun dituen epe motzeko eta epe luzeko erronkak landu ditugu oinarriarekin eta aurrera begira herri batzarrak egingo ditugu ideia hauek elkarbanatzeko. Herritarrei dei egiten diegu batzarretan parte hartzeko eta ideiak elkarbanatzeko", gehitu du.
Urriaren 8rako deitu duten itzalaldian parte hartzeko eskatu du ere Etxezabalek. 22:00etatik 22:30era izango da eta Espainiako estatuko enpresa elektrikoak argindarraren prezioarekin egiten ari direna salatzeaz gain, Euskal Herriak subiranotasun energetikoa behar duela aldarrikatuko dute.
"Enpresa elektrikoei nahikoa dela esateko ordua da. Bada garaia erakusteko gure herrian ez dugula uzten gehiengoaren eskubideekin jolasten, energia arrazoizko prezioan eskuratzea oinarrizko eskubidea delako, gutxi batzuek poltsikoak betetzen dituzten bitartean". Itzalaldiarekkn batera lapiko.jotzea egiteko deia egin du koalizioak, horrela ozen salatzeko Espainiako alderdi nagusiek ez dituztela geldiarazten "argindar elektrikoen botere eta diru nahiak". "Ez dugu ahaztu nahi alderdi horietako ordezkari esanguratsuak daudela enpresa elektrikoen administrazio kontseiluetan".