Motxilak bizkarrean berriro ere

Tolosaldeko Ataria 2021ko ira. 8a, 11:11

Atzo iluntzean tximeletak sabelean izango zituzten eskualdeko haur askok eta askok. Eskola itzulerak sortzen duen poz eta urduritasunak gaur ikasleen aurpegietan nabari zen. Ikastola elkarteko ikasleak atzo zapaldu zuten berriro ikasgela eta gaur eskolako publikoko ikasleen txanda izan da.

Bizkarrean motxilak eta aurpegietan irribarre urduriak. Ikasturteak berritasunak ekarri ohi ditu baina 2021-2022 ikasturte honek, iazkoaren antzera ikaskide errepikakor bat izango du inguruan: koronabirusa. 

Ikasleak ohituta daude jada maskarak jantzita ibiltzera ikastetxe barruan eta momentuz horrela jarraitu beharko dute gaur abiatu den ikasturte berri honetan ere. Ikastetxeek koronabirusak bultzatuta, kontingentzia planak eguneratu behar izan dituzte eta agertoki ezberdinak definitu: ikasgela osoa eskolan, ikasleren bat konfinatuta edo gela osoa konfinatuta.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!