Eusko Jaurlaritzak Ekonomiaren Garapen, Jasangarritasun eta Ingurumen Sailak enpresa txiki eta ertainentzako prestatutako 2021eko laguntza-plana aurkeztu du gaur, Lehiberri zentroan. Tolosaldea Garatzen garapen agentziarekin elkarlanean antolatutako ekitaldia izan da eta hogei enpresa baino gehiago bertaratu dira. 2021eko enpresa txiki eta ertainentzako laguntza-planak 68 programa biltzen dituela esan dute eta 433 euroko aurrekontua duela. Planaren helburua da "kalitatezko enplegua sortuz ekonomia suspertzea, bereziki, Euskal Autonomia Erkidegoko garapen jasangarria kontuan hartuz".
Laguntzen % 40 I+G+b programetara bideratuko dela esan dute, baina, besteak beste, nazioartekotzeko, ekintzailetzarako, energia-kudeaketarako eta ekonomia zirkularrerako laguntzak ere emango dituztela.
SPRI Taldeko Zuzendari Nagusi Aitor Urzelaik, Spri taldeko Empresa Sustapen zuzendari Aitor Cobanerak, Industriaren eta Energia Trantsizioaren zuzendari Mikel Amundarainek, BTI – Nazioartekotzeko Euskal Agentziaren zuzendari Ainhoa Ondarzabalek, Energiaren Euskal Erakundeko zuzendari Iñigo Ansolak, Ihobe-ko zuzendari Alex Botok, eta Elikagaien Kalitate eta Industriako zuzendari Javier Plasenciak bakoitzari dagokion arloko programa zehaztu dute, enpresek beren beharretara ondoen egokitzen dena aurkitu dezaten.
Informazio gehiago Spri-ren webgunean.