Gehigarria: edergintza

Izaera mantenduz

Modak adinik ez duenez, gaztetxoetatik hasi eta adinez nagusiago diren emakumeei begirako arropa eta osagarriak aurki daitezke Anddare dendan. Adinean beharrean, bakoitzaren nortasunean baitago estiloa. 

Kalitatezko etxeak prezio konpetitiboagoetan bilatzen saiatu da azken aldian Ageda Cuñado dendaria. Beti, hori bai, tendentziari jarraituz. Azken boladan, esaterako, denim patroiak aldatzen ari dira, pitilloetatik patroi zabalagoetara doaz, eta horren jakitun dira Anddaren. Eta bezeroek ere jarraitzen dute tendentzia, hortaz, eskakizun horietara egokitzen dira, materialaren kalitatea zainduz eta zuntz naturala erabiliz. 

 

Osagarriak eta bereziki bitxiak ere aurki daitezke. Aurten, tolosar artista batek egiten dituen belarritakoak ditu salgai: Hylé earrings. Buztinezko belarritakoak dira, eskuz eginak eta eskuz pintatuak. Herriko artistentzat edo markentzat dendan lekua egitea gogoko du Cuñadok, bertakoa bertan kontsumitu dadin, eta bertakoak ere zaintzeko.  
Bezeroak ere zaintzea bada Anddareren ezaugarrietako bat. Zer nahi duen entzun, gomendioak eman eta proposamen ezberdinak egiten ditu, betiere bezeroaren izaera mantenduz.  

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!