"Gu ez gara errudunak"

Tolosaldeko Ataria 2021ko ots. 9a, 13:27

Euskal Autonomia Erkidegoko Auzitegi Nagusiak ostalariei arrazoia eman die, behin behinean. Horren ondorioz, eremu gorrian dauden herrietan ere taberna eta jatetxeak ireki ahal izango dira bihartik aurrera. Ataria Irratiak Marijo Irazusta Ugartemendiarekin hitz egin du, Villabonako Txurrut tabernako jabearekin.

Berriz irekitzeko aukera ezarri arren, Jaurlaritzak onartutako dekretuak indarrean jarraitzen du, beraz, hainbat neurri bete beharko dituzte: hala nola, 20:00etan ixtea, edukiera erdira murriztea, mahaietan eseritako pertsonen arteko distantziak bermatzea, mahai bakoitzeko lau pertsona esertzea, eta barran kontsumitzeko debekua. 

Araba, Bizkai eta Gipuzkoako ostalariek aurreko astean jarri zuten Jaurlaritzaren aginduaren aurkako helegitea, iritzita «neurrigabea» dela eremu gorrian dauden udalerrietako ostatuak ixteko agindua. Eta salatu zuten azken asteetan izan diren kutsatzeen jatorria ez dagoela tabernetan, Eguberrietako topaketen ondorio direla baizik. Hori salatzeko, auzitara jo zuten, eta eskatu dute behin betiko erabakia hartu bitartean agindua bertan behera uzteko. 

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!