Voithen akordioa lortu dute

Atzo arratsaldean batzarra egin ondoren, langileen batzordeak enpresak egindako proposamena onartu du eta greba eta mobilizazioak bertan behera utzi ditu.

Langileen batzordearen esanetan, akordioarekin enpresan dauden soldaten arteko aldea "txikitu" egiten da, nahiz eta aitortu duten oraindik ere badagoela lana egiteko. Batzarra egin ondoren eta langileen batzordeak proposamena onartuta, greba eta mobilizazioak bertan behera utzi dituzte. Voith Paper SA-ko langileek greba egunak iragarriak zituzten martxoaren 4, 11, 17, 18, 25 eta 26rako.

Bestalde langile ordezkariek jakinarazi dute 76 langileri eragingo dion ERTE bat mahai gainean duela Voith enpresak, apiriletik abendura arte luzatuko dena, "eskaeren jaitsiera bat dela eta". Kontsulta epea datorren ostiralean abiatuko dela jakinarazi du langileen batzordeak eta ERTE hau "bertan behera" uzteko eskatu du.

 

Erlazionatuak

Voitheko langileek greba egingo dute sei egunez

Ibarra

ELAk eta LABek salatu nahi dute Ibarrako enpresa horrek gero eta azpikontrata eta ABLE gehiago erabiltzen dituela.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!