Turismo gehigarria

[BABESTUTAKO EDUKIA] Pintxo ibilbidea: Edozeinentzako aukera

Tolosaldeko Ataria 2019ko uzt. 29a, 05:59

Mutiu izeneko pintxoa aukeratu du Ikatzako Kontxi Dorronsorok eta Jesus Mari Artutxak Pintxo Ibilbiderako. Pintxo hau txipiroiekin betetako piperra da eta tinta ere badauka gainetik.

«Oso goxoa da, txipiroiaren zapore intentsoa daukalako», baieztatu du. Ibilbide luzea daukan pintxo bat da eta Joseba Argiñanorekin egindako telebista programa batean eta Tolosa Gourmeten ere aurkeztu izan dute, eta gehienetarikoa saltzen dena da. Izena, berriz, Realean jokatzen zuen mutil batengatik jarritakoa da. «Gazte batzuek jarri zioten izena eta horrekin geratu da», dio.

Txipiroiak dira Ikatzako berezitasun nagusia eta modu askotara prestatzen dituzte: plantxan, beteta… Dorronsoro duela 37 urte lanean hasi zenean, prestatuta etortzen zirenak erabiltzen zituzten. «Haiek ez ninduten konbentzitzen, eta orain dauzkagunak ez dira aurretik prestatuta ekarritakoak eta askoz hobeak dira». Kalitatean jauzi bat egin dute, beraz.

Pintxo aukera ugari dute Ikatzan: barazkien eta onddoen pudingak, berenjenak onddoekin beteta… Zeliakoek, begetarianoek eta beganoek ere badaukate aukera Ikatzan. Izan ere, beraientzako pintxo eta ogitartekoak ere badauzkate. «Nik inoiz ez diet ezetzik esaten». Horiez gain, menua eta errazioak ere edukitzen dituzte.

Kalitatezko produktuak jateko leku lasaia da Ikatza. Gazte jendeari gehien gustatzen zaiona solomoa da, eta helduei, berriz, txipiroiak, bakailaoa tomatearekin… «Umeek ere txipiak eskatzen dizkiete gurasoei».

Hainbeste ematen dien Dorronsorok eskaera bat ere egiten die bezeroei. «Ni gustura nago, baina bezeroei pazientzia eskatuko nieke. Izan ere, barra barruan zaudenean, ez zaude denbora-pasa, lanean baizik».

IKATZA TABERNA

Helbidea. PLAZA BERRIA, 6, TOLOSA.

Telefono zenbakia. 943 67 49 13

Sare soialak. Facebook: Ikatza Taberna

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!