Ataria Bertso Jaialdia 2019

Atariak ere ireki du 'bertsotxaldia'

Hamargarrenean ere ez dute hutsik egin 'Tolosaldeko Ataria'-ren bertso saioko bertsoek. Seriotik eta umoretik, Leidor guztiz bete duen publikoari, txalo zaparradak eta irribarre zabalak atera dizkiete bertsolariek.

Amaia Agirre gai jartzaileak urtero-urtero mimoz prestatzen ditu gaiak, eta gaur ere bikain erantzun diete Oihana Iguaran, Andoni Egaña, Nerea Ibarzabal, Haritz Mujika, Maialen Lujanbio eta Amets Arzallus bertsolariek.

Sarrerakoan Amets Arzallus adierazi moduan, urte sasoi honetan sagardotegiek egin moduan Tolosaldeko Atariak bertso saioei eman die irekiera, Leidor aretoa betez. Eta Nerea Ibarzabalek urtarrileko Tolosako bertso saioaren 'mitoa' barrutik ezagutu du.  

Saioan izan ez denak edota bertsoaldiak berriz entzun nahi dituenak, datorren astean izango du aukera webgune honetan bertan. Edota irrati bidez (H)ari naizela saioan.

Auzia ez da izan ala ez izan. Kontua ekitea da. Atarikide egitea, euskararen aldeko hautua egitea, zure herrian gauzak antolatzea, horren berri ematea, etxetik plazara salto egitea. TOLOSALDEKO ATARIA egiten duzun hori da. Egiten duzun neurrian gara.

Egin Atarikide!