Nerabeen prebentzio mahaiak sustatuta eta erakunde publiko ezberdinen lankidetzarekin gazteenei zuzendurik hainbat ekintza izan dira Tolosan, Tabako Kerik Gabeko Nazioarteko Egunean. Tartean izan dira Marse magoaren ikuskizuna, Tabakoa eta Kanabisa erakusketa, @zergatikezerreargazki lehiaketako argazkiak eta erretzaieeu zuzenduriko osasun mahaia.
Gaurkoa, hala ere, hilabete osoko lanketaren emaitza izan da. Ikastetxeetan bertan kontsumoari buruzko lanketa jorratu dute, Kerik gabeko gazteak eta Tabakoa eta kanabisa korapiloa programen bitartez. Erniobea, Herrikide, Laskorain, Orixe eta Zubimusu ikastetxeetako 700 gaztek hartu dute parte.
Sariak
Laskorain Ikastolako bigarren hezkuntzako 2. mailako ikasleek Kerik gabeko gazteak lehiaketa irabazi dute, Saria Elena Albisu, Gipuzkoako Osasun zuzendariaren eskutik jaso dute.
Bestalde, Zergatik ez erre lehiaketa Daniel Bartus eta Iratxe Martin tolosarrek irabazi dute eta sariak Asuncion klinikako ordezkariek eman dizkiete.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
