Erakusleiho bizi bat, lanbideentzat

Tolosaldeko III. Lanbide Azokak arrakastaz amaitu du bi eguneko eskaintza; eskualdeko bost ikastetxeek Trianguloa izan dute, erakusleiho bizi. 

Hirugarrenez, Tolosaldeko Lanbide Azokak herritarren jakinmina asetzeko txoko perfektua bilakatu du Trianguloa plazako karpa. Atzo ikastetxeetako gazteei begira egin bezala, gaur, bertaratu nahi zuen herritar orori zabalik izan da azoka, eta ederki erantzun du jendeak, goiz osoan barrena. 

Ikasketak erabakitzen ari direnak nahiz azokako jarduerak jakinmina piztu dienak, guztiak elkartu dira azokan, eta berretsi egin da eskualdeko lanbide heziketaren indarra. Hala nabarmendu du Joxemari Elola Tolosaldea Lanbide Heziketa Institutuko ordezkariak: "Osagarritasun handia dago Tolosadeko bost ikastetxeen artean, eta eskualde honetako lanbide heziketako eskaintza oso maila onekoa da". Bide beretik, hizpide izan ditu enplegu eta soldata datuak ere. 

Tolosaldean, Peñascal fundazioa, Tolosaldea LHII, Inmakulada ikastola, Don Bosco ikastetxea eta Fraisoro eskolak osatzen dute lanbide heziketaren eskaintza, eta industria, zerbitzuak, osasungintza, kimika eta papergintza, sukaldaritza nahiz ingurumenaren esparruetara iristen dira. 

Azoka amaituta ere, ikastetxeetako ordezkariek azpimarratu dute atea zabalik izango dituela, hala nahi duenak, ikastetxeak bertatik bertara ezagutzeko. 

Erlazionatuak

Eskualdeko Lanbide Heziketako eskaintza bertatik bertara

Tolosaldean Lanbide Heziketa eskaintzen duten bost zentro daude, eta arlo askotariko oinarrizko, erdi mailako eta goi mailako 25 ziklo eskaintzen d...
Eskualdeko Lanbide Heziketari so

Urrun geratu da Lanbide Heziketa bigarren mailako ikasketatzat hartu izan den garaia. Urrun, era berean, Lanbide Heziketa aukeratzen zuten ikasleen...