Mozorroak eta makilak nahastu dira Santa Ageda bezperan

Maier Ugartemendia 2016ko ots. 4a, 17:21

Gaurkoa Ostegun Gizen eguna da, baina baita Santa Ageda bezpera ere. Eta zenbait herritan eskean eta kantari ateratzeko ohitura egokitu edo aldatu badute ere, herri askotan ohiturari jarraituz makilak hartuta kalera irten dira gaurkoan.

Goiko irudian, anoetarrak. Goizean ikastolako haurrak atera dira kantari eta arratsaldean, berriz, herritarrak abiatu dira lehenik baserriz baserri, eta gero kalez kale ibiltzeko. Ikaztegietan (bideoan) eskean zebiltzanak eskolako jaialdia ospatzen ari ziren haurrekin bat egin dute, eta euren Santa Ageda eguneko kantuekin amaitu dute eskolako jaialdia.

Tolosako Kabi Alai elkartearen aurrean ere aritu dira kantuan. Ostegun Gizenarekin bat egin du ohitura zaharrak:

Larraulen (azpiko argazkietan) eskolako zaharrenekin baserriz baserri kantari ibili dira goizean eta arratsaldez herrigunean Haur Eskolakoekin eta guraso batzuekin batera ibili dira. 

Altzoko Korukoak herriko baserrietan eta plazan kantari:

Bidania-Goiatzen ere atera ziren kantari:

 

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!