Eskola Kirolaren garrantzia plazaratu eta ikasturtea biribiltzeko festa izan dute, goizean, eskualdeko ehunka gaztetxok. Urte osoan egindako kirola alde batera utzita, ariketa fisikoaren alderik ludikoenari eutsi diote gaur. Bide horretan, kiroletan izan beharreko jokabide egokia ere aldarrikatu dute, gaztetxo nahiz gurasoei begirako jarraibideekin.
Korrika saioarekin hasitakoa Berazubiko pistaren itzuliarekin jarraitu dute, eta Eskola Kirola letrekin mosaiko erraldoia osatu dute ondoren. Zumba saioa ezagutzeko aukera ere izan dute, eta opariak banatu dizkiete ondoren.