Korrika eskualdean sartzearekin batera esnatu da, herriz herri, Tolosaldea. Zeruaren bide beretik, euskahaldunek ere argitu egin dute euskararen bidea, Korrikako furgonetako doinuak lagun.
Begirada urduriak, ilusioa, lekukoa partekatzeko grina, euskaldun izatearen poza, AEK-ko antolatzaileen neke zoriontsua eta beste hamaika kontu atzeman daitezke bertatik, Urepeletik Bilborainoko bidea osatu duen zati txiki horretan.
Eta horixe izoztu du TOLOSALDEKO ATARIAko kamerak, 05:30etarako Gipuzkoako mugara bertaratu den kuadrila tolosarragandik hasi, eta Adunako azken kilometroan lasterka egin dutenenganaino. Haur, gazte eta zahar, elkarri lekukoa eman diote, euskararena, eta argi geratu da euskahalduntasunak ez duela mugarik.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!