Ataria errimek hauspotuta

Tolosaldeko Ataria 2015ko urt. 24a, 21:40

TOLOSALDEKO ATARIA-k antolatutako bertso jaialdiak, beste urtebetez, Tolosako Leidor aretoa guztiz betetzea lortu du. Erantzun bikaina eman diote Arzallus, Lujanbio, Amuriza, Peñagarikano, Lizaso eta Maia bertsolarien saioari entzuleek.

Bertaratu direnen gozamenerako bi orduko saioa egin dute bertsolariek, Amaia Agirreren gidaritzapean. Gai mamitsuak, xelebreak edota bideo eta argazki bidez jarriak izan dituzte. Horien artean, TOLOSALDEKO ATARIA-ren gaineko bertso bana bota dute, euskararen, euskal komunikabideen eta atarikide izatearen garrantzia nabarmenduz.

Datorren astelehenean saio osoa ikusgai izango da gure webgunean, eta baita jaialdiko argazki galeria osatua nahiz Anjel Mari Peñagarikanoren hitzak  ere

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!