Tolosaldeko Felix Garrido eta Txemari Esteban sukaldariez gain, Ruben Trincado Donostiako Mirador de Ulia jatetxeko sukaldariak, Errenteriako Asier Abal Versalles jatetxekoak eta Donostiako Jokin Zabala Okendo jatetxekoak ere parte hartuko dute elkartasun afarian.
Alegiako Route 33 Gourmeten alboan dagoen 3. pabiloian emango dute afaria, uztailaren 3an, eta menuak 40 euro balio du. 150 menu egingo dituzte eta izena 943 65 14 84 telefono zenbakian eman daiteke. Dirua 2095 5020 00 9113978641 kontu zenbakian sartu behar da.
Ekintza honen irabaziak Stop Sanfilippo Fudazioara bideratuko dituztela esan dute antolatzaileek, izan ere fundazio honek 3.000.000 euro behar ditu gaitz honen ikertzaileak ekartzeko.
Goi mailako gastronomia 40 euroren truke
Afaria hasierako batzuk eta Oreretako Versalles jatetxeko Asier Abalek egindako ahate entsaladarekin hasiko da. Ondoren, foie eta perretxikuz betetako ravioliak jan ahalko dira Donostiako Okendo jatetxeko Jokin Zavalak eginak. Hirugarren platerra legatz esfera txangurroz betea izango da, Alegiako Route 33 Gourmeteko Felix Garrido eta Tolosako Botarri jatetxeko Txemari Estebanek prestatuko dute. Bukatzeko Donostiako Mirador de Ulia jatetxeko Ruben Trinkadok prestatuko ditu masail konfitatuak. Azkenburua Ogiberri goxotegiak eskeiniko du.
Sanfilippo gaitza duen Ibarrako Oier Iribarrenen gurasoak, Kepa Iribarren eta Izaskun Aizpurua, elkarrizketatu ditu gaur, Maite Artolak Euskadi Irratiko Faktorian.