Ekintzaile izatera animatzeko jardunaldia egingo dute bihar, Abaltzisketan

Landa ingurumena enpresa ekimenak sortzera bultzatzeko jardunaldia izango da bihar. 09:15ean elkartuko dira Goibegi eraikinean, Abaltzisketan.

Landa ingurumenean enpresa ekimenak egitera animatzea eta horretan laguntzea izango da biharko jardunaldietako helburua. Bertaratutakoek enpresa munduaren errealitatea hurbiletik ezagutzeko parada izango dute. Ekintzailearen figurari balioa emango diotela esan dute Landa, Itsasertz eta Elikagaien sustapenerako erakundeko arduradunek. Eta horretarako ekintzaileek landa inguruenean eskura dituzten tresnen berri emango dute.

09:15ean elkartuko dira Abaltzisketako Goibegi eraikinean eta aurkezpena eta gero parte hartzaileen premiak eta ekintzen proposamenak aztertuko dituzte. Arratsaldez kasu praktikoak aztertuko dituzte.

Jon Zubizarreta herriko alkateak eman ditu jardunaldien nondik norakoak.

 

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!