Ogi Berri Migel Soroa Txapelketa

Larunbatetik igandera pasa da Ogi Berri Migel Soroa Txapelketa

Ogi Berri Migel Soroa Pilota Txapelketako partidak igandean jokatuko dira asteburu honetan. Larunbatean kaldereroak ospatuko dituzte Tolosan, eta horregatik, partidak egun bat atzeratzea erabaki dute. Txapelketako hiru partidak, beraz, hilaren 23an izango dira, 18:00etatik aurrera.

Igandean, jubenilen eta nagusien mailako partidak jokatuko dituzte. Eskualdeko ordezkari ugari egongo dira Beotibarren, eta horien artean, Artola alegiarra azpimarratu behar da. Iturriagarekin osatuko du bikotea. Biak enpresek gertutik segitzen dituzten pilotariak dira, eta ikusleek euren jokoaz gozatzeko aukera ederra izango dute igandean, lehen aldiz osatuko baitute elkarrekin bikotea. Azpiri eta Irusta izango dituzte aurkari, eta jaialdiko bigarren partida jokatuko dute. Aurretik, jubeniletan, Zubiria-Urizar eta Peña-Martija ikusteko aukera egongo da.

Pilota jaialdiko azken partida, aurrekoa bezala, nagusien mailakoa izango da. Dorronsoro-Gorrotxategik Arrieta-Arratibelen aurka jokatuko dute. Bi aurrelariak maila handiko pilotariak dira, eta joko ikusgarria eskaintzera joango dira Beotibarrera. Atzelariei dagokienez, euren sendotasuna nabarmendu behar da.

Azken jardunaldia, iragan larunbatekoa, handia izan zen benetan. Alde batetik, pilotariek joko bikaina erakutsi zuten kantxan, eta bestetik, pilota zaleak bikain erantzun zuen, Beotibarko harmailetan giro ederra jarriaz: 400 ikusle joan ziren frontoira.

Intxurrekoen partidak

Alegiako pilota elkartekoek bihar jokatuko dituzte euren partidak. Alegian 19:00etatik aurrera hiru partida lehiatuko dira, Udaberri Txapelketaren barruan. Ordu berean, Ikaztegietako pilotalekuan, bi partida jokatuko dituzte Intxurrekoek.

Erlazionatuak

Labakak eta Imazek ezustekoa eman dute

Alegia Tolosa

Iñaki Artolak eta Gorritik finalerako txartela lortu dute Ogi Berri Migel Soroa txapelketan.
Jokin Altuna amezketarra bikain, Migel Soroa Txapelketan

Amezketa Tolosa

Azken txanpan dabiltza Ogi Berri Migel Soroa Pilota Txapelketan, igandean finalaurrekoen txanda izango baita. Bien bitartean, pilotazaleek partida ...
Artolak eta Urbietak joko maila igo dute Soroan

Alegia

Bi aurrelariek partida izugarria jokatu dute Tolosako Beotibar pilotalekuan; alegiarra nagusitu da amaieran
Elordi, Imaz eta Elezkanoren diztira, Migel Soroan

Tolosa

Tolosako Beotibarrek beste behin ere itxura polita erakutsi du, etorkizuneko pilotarien lehian
Arrieta-Arratibel eta Artola-Gorriti garaile Ogi Berri Migel Soroa Txapelketan, atzo

Tolosa

Ogi Berri Migel Soroa Pilota Txapelketako partida biziak ikusi ahal izan ziren atzo, Tolosako Beotibar pilotalekuan. Jubeniletan Peña-Martijak 22-1...
Mendinueta-Gorrotxategi garaile, Ogi Berri Migel Soroa txapelketako laugarren jardunaldian

Tolosa

Ogi Berri Migel Soroa Txapelketako laugarren jardunaldia jokatu zuten asteburuan Tolosako Beotibarren, eta elite mailan Mendidueta-Gorrotxategik 22...
200 ikusle eta pilota partida bikainak, Ogi Berri Migel Soroa txapelketaren bigarren jardunaldian

Tolosa

Ikuskizun ederra eskaini zuten atzo arratsaldean Ogi Berri Migel Soroa txapelketako pilotariek. Tolosako Beotibarrek itxura ederra hartu zuen, 200 ...

Tolosaldeko albisteak euskaraz, libre eta kalitatez jasotzea nahi duzu?

Horretarako zure babesa ezinbestekoa zaigu. Egin zaitez Atarikide!


EGIN ATARIKIDE!