18 autobus atera dira Tolosaldetik Bilboko manifestaziora

Tolosaldeko Ataria 2014ko urt. 11a, 16:26
Santa Klara ingurutik atera dira Tolosako autobusak. I.G.L.
Beste behin Tolosaldetik jende ugari mobilizatu da, eta 18 autobus joan dira Bilbon gaur 18:00etan egingo den manifestaziora. Anoeta-Iruratik 2 autobus, Berastegi-Berrobitik 1, Lizartza-Orexatik 2, Leaburu-Txarama eta Gaztelutik 1, Zizurkiletik 1 (80 pertsonakoa), Alegia-Orendain-Ikaztegietatik 1, Altzotik 1, Asteasutik 1, Amasa-Villabonatik 2, Ibarratik 1, Amezketatik 1 (Tolosako zenbait bizilagunekin) eta Tolosatik 4. Bestalde, autoz ere jende ugari joan dela azaldu dute autobusak antolatzen aritu direnek.

Manifestazioa 'Giza eskubideen, konponbidearen eta bakearen alde' leloarekin egingo da, eta EAJ, Sortu, EA, Aralar, Alternatiba, ELA eta LABek deitu dute. 18:00etan hasiko da La Casillatik eta Bilboko udaletxean amaituko da.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!