Tolosako Udalak eta Hazi (Landa, Itsasertz eta Elikagaien Sustapenerako Fundazioak) elkarlanean jardungo dute eta Babarrun Festan egin bezala jangela zabalduko dute Alondegi plazan. 200 pertsonentzako lekua egongo da, guztiz estalia eta berogailuarekin.
Tolosaldeko produktuak jan eta edateko aukera izango da bertan. Besteak beste, Basatxerri txerrikiak, Harakai behikiak, Lumagorri oilaskoak, Lur Lan elkarteko barazkiak, Euskober arrautzak eta Idiazabal gazta. Parrilan eta labe bertikalean sukaldatuko dituzte jakiak. Edateko, eskualdeko sagardoa egongo da.
Zaldunita bezperan zabalduko da, 19:00etatik 00:00etara. Zaldunita, Astelenita eta Asteartita egunetan, 12:00etatik 15:30era eta 19:00etatik 00:00etara egongo da irekita Alondegi plazako jangela.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!