Lau pertsona zauritu dira Apattaerrekan izandako leherketan

Tolosaldeko Ataria 2017ko mai. 18a, 14:14

Apattaerreka industrialdeko Lizarra garbiketa industrialeko enpresako lehorgailu batean izan da leherketa, 12:10 inguruan, Eusko Jaurlaritzako Segurtasun sailak jakinarazi duenez. Ondorioz, lau pertsona zauritu dira. Horietako bi gizonezkoak dira, eta beste biak emakumezkoak. Bertaratu diren anbulantzietan artatu eta gero ospitalera eraman dituzte zaurituak.

Zauritutako langiletatik, hiru, Donostiara eraman dituzte: 47 urteko gizon bat eta 36 urteko emakume bat Donostia ospitalera, eta 41 urteko emakume bat Gipuzkoako hiriburuko Poliklinikara. Eta laugarrena, larri zaurituta Gurutzetako ospitalera eraman behar izan dute, erredurak artatzeko sail berezian artatzeko. Azken hau, 42 urteko gizonezkoa da. Guztiek ere, erredurak dituzte gorputzean.

Oraindik, ez dakite lehorgailuaren leherketa zerk eragin duen. Bestalde, leherketaren ondorioz sutea piztu da, baina suhiltzaileek itzaltzea lortu dute.

Osalanek ikerketa abiatu du istripuaren nondik norakoak argitzeko.

Erlazionatuak

Elkartasun mezuak

Tolosaldeko Ataria 2017 mai 18 Leaburu-Txarama

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!