Lehiberri, enpresa sortu eta lehen bulegoa jartzen lagunduz

Erabiltzailearen aurpegia

Lehiberri Zentroan hamar enpresa haztegi daude, ekintzaileek beren enpresa sortu berriaren lehen bulegoa bertan jar dezaten. Enpresaren jardueraren arabera, sotoko beste hiru gela tailer edo biltegi modura erabiltzeko aukera ere badago.

Hasierak ez dira errazak, horregatik, bertan kokatzeak zenbait onura ditu ekintzaileentzat: laguntza, esperientziak trukatzeko aukera eta hobariak alokairuan.

AHOLKULARITZA

Enpresa sortzeko prozesuan nahiz ondorengo edozein zalantzaren aurrean, Tolosaldea Garatzeneko teknikarien laguntza jasotzeko aukera dute bertan daudenek. Formazio saioak ere antolatzen dira.

SINERGIAK

Ekintzaile gehiagorekin espazioa elkarbanatzeko aukera ematen dute Lehiberriko enpresa haztegiek. Une honetan bost enpresa daude bertan, eta zenbait kasutan elkarlanerako aukera ere izaten da.

ALOKAIRUA

Hobaria du alokairuaren prezioak. Modu horretara, merkaturatu, bezeroak lortu eta diru-sarrerak handitu bitartean, alokairuarekin aurrezteko aukera eskaintzen dute haztegiek.

100 euro hilabetean

Prezioaren barruan sartzen dira gune amankomunen garbiketa, geotermia sistema (berogailua eta aire girotua) eta doako WiFia eraikin osoan.

Hiru urterako

Gehienez hiru urte egon daiteke, eta kontratua urtez urte berritzen da. Gerora, beste leku batzuetan bulegoa jartzeagatik hobari gehiago ere badaude, garapen agentziak dituen hitzarmenei esker.

Beste ezaugarri batzuk

Bulegoak bi pertsonarentzat daude egokituta; sarbide propioa dute asteko egun guztietan, eguneko 24 orduetan; gune amankomunak erabiltzeko aukera dago (bilera gelak, aretoa…); aparkatzeko arazorik ere ez dago.

 

Izena emateko edo informazioa eskatzeko:

Tolosaldea Garatzen | Lehiberri Zentroa

Telefono zenbakia: 943 65 45 01

E-mail-a: zubeldia@tolosaldea.eus 

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!