Bi hitzaldi lan mundua, sorkuntza eta hizkuntza aztertzeko

Erabiltzailearen aurpegia

Euskaraldia martxan izango den 15 egunetan, bi hitzaldi antolatu ditu Galtzaundi Euskara Taldeak. Bi saioak Tolosako Kultur Etxean izango dira eta aldez aurretik, doako sarrerak eskuratu beharko dira.

Hitzaldiak azaroaren 25ean eta abenduaren 3an izango dira, arratsaldeko 18:30etan. Lehenengoan, Elhuyar Aholkularitzako Maddi Etxebarriak emango du saioa eta lan munduan euskarak duen lekuaz eta egin ditzakeen aurrerapausoez hitz egingo du. Bigarrenean, berriz, Maialen Lujanbio bertsolaria sormenaz eta hizkuntzaz arituko da.

Nola eskuratu daitezke doako sarrerak?

Doako sarrerak Tolosako Kultur Etxean eta Galtzaundiren egoitzan eskuratu daitezke. Prensentzialki eskuratu ezin dutenek, telefonoz deitu dezakete Galtzaundira: 943 655 004.

Lan-mundua euskalduntzea. Bada garaia!

Eguna: azaroak 25, asteazkena

Ordua: 18:30

Lekua: Tolosako Kultur Etxea

Hizlaria: Maddi Etxebarria

 

Hemendik joaten da mundura? Hizkuntzaz eta sorkuntzaz kontu batzuk

Eguna: abenduak 3, osteguna

Ordua: 18:30

Lekua: Tolosako Kultur Etxea

Hizlaria: Maialen Lujanbio

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!