ataria.eus

'Baleak ikusi ditut', urriko irakurgaia

Erabiltzailearen aurpegia kultura

Galtzaundiren irakurle taldearen urriko saioan Javier de Isusi komikigile bizkaitarraren Baleak ikusi ditut nobela grafikoa landuko dute.

Hilaren 24an izango da hitzordua, 19:00etan Tolosako Kultur Etxean. Yurre Ugartek dinamizatuko du eta saioa guztiz irekia bada ere, bertan parte hartzeko ezinbestekoa izango da liburua irakurrita izatea.

Javier de Isusiren Baleak ikusi ditut gertakizun erreal batean oinarria duen nobela grafikoa da. Elkarren kontrako bideak ibiltzea suertatu zaien hiru pertsona dira protagonistak, eta, hala ere, elkarrekin topo egin nahi dute, pertsona moduan topo egin.

Sinopsia: Proventzako kartzela batean ezagutuko dute elkar Josuk eta Emmanuelek; bata etakide ohia da, bestea berriz, GALeko kide ohia. Handik ia mila kilometrora bizi da Anton, Josuren txikitako laguna; ETAk aita hil zion hogeita bost urte lehenago, eta heriotza horren itzalean bizi da oraindik ere.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa