OLERKIA

Beti gelditzen dira galderak tintontzian

Erabiltzailearen aurpegia

Beti gelditzen dira galderak tintontzian:

galderarik sakonenak,

erantzunik sakonenak,

jaurtitzen ez diren harriak,

jaiotzen ez diren pertsonak,

edo ezpainetan lorerik gabe gelditzen direnak, 

hitz egiten ikasten ez duten hezurrak,

isiltzera iristen ez diren isiltasunak,

poemarik edo konstelaziorik gabeko bizitzak.

Beti dago zerbait erdibidean gelditzen dena,

ahanzten den bitartean gogoratu beharreko zerbait,

eskura iritsi ez ziren keinuak,

loratu ez zen bataio-musua,

amildegian behera galdu zen egia hura.

Ez iezaiozu erremediorik jarri nahi galdutakoari:

inoiz esango ez duzun horretan datzate

bizitzaren gauza ederren guztiak.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!